(1)..Ibn Abbas (RaziAllahu Anhu) Se Riwayat Hai Ki Unhoney Rasool’Allah (Sallallahu Alaihay Wasallam) Se Suna Ki,
“Koi Mard Kisi (Gair Mahram) Aurat Ke Saath Tanhayi Me Na Baithey Aur Koi Aurat Uss Waqt Tak Safar Na Karey Jab Tak Uskey Saath Uska Mahram Na Ho”.
Itney Me Ek Sahabi Khadey Huye Aur Farmaya – “Ya Rasool’Aallah (Sallallahu Alaihay Wasallam) ! Mai Ne Falah Jihaad Me Apna Naam Likhwa Diya Hai Aur Meri Biwi Hajj Ke Liye Ja Rahi Hai”
Tou Aap (Sallallahu Alaihay Wasallam) Ne Farmaya – “Tu Bhi Uskey Saath Hajj Ke Liye Ja” (Sahih Bukhari, Vol 4, 3006)

(2)…Nabi-e-Kareem (Sallallahu Alaihay Wasallam) farmate hai ke:
Sabse buri Aurte wo hai jo Bepardgi kare aur Takbbur Se Chalne wali ho,
ye us ummat ke munafiqat hai, aur ye wo hai jo jahnnum me
Kavve ki tarah chikhti hui dakhil ho jayengi.
– Baihaqi

» Unn Auraton Par Jahannam Me Sakht Kode Mare Jayenge
Jo Kapda Pehne Huye Bhi(Khula Jism) Barhana Nazar Aati Hain.
– (Muslim Sharif)

» Mas’ala: Aise Barik Kapde Ka Paijamah Jis Se
Raan Ya Sitr Ka Koi Hissa Chamakta Ho
Uss Kapde Ko Pehn’na Haraam Hain.
– (Bahare Shariat)

(3)…Abu Hurairah Radi Allahu Anhu se riwayat hai ke,
Ek dehati Nabi-e-Akram (Sallallahu Alaihay Wasallam) ki khidmat me hazir hua aur arz kiya
“Ya Rasool’Allah (Sallallahu Alaihi Wa Sallam)! meri biwi ne kaaley rang ka baccha jana hai aur maine uska inkaar kar diya, ..”
Nabi-e-Akram (Sallallahu Alaihay Wasallam) ne uss dehati se daryaft kiya “kya Tumhare paas Uoonth hai ?” Dehati ne arz kiya “Ji haan!”

Nabi-e-Akram (Sallallahu Alaihay Wasallam) ne daryaft kiya “Uska Rang kya hai?”
Dehati ne arz kiya “Surkh rang ke hain…”

Nabi-e-Akram (Sallallahu Alaihay Wasallam) ne daryaft kiya “kya unme koi Qaaki Rang wala bhi hai?” Dehati ne arz kiya “haan!”

Nabi-e-Kareem (Sallallahu Alaihay Wasallam) ne farmaya “Wo kaha se aa gaya?”
Usne kaha “Aye Allah ke Rasool (Sallallahu Alaihay Wasallam)! Shayad kisi Rang ne usko Ghaseet liya hoga (yaani oonth ki uper Wali nasal me se koi oonth Kaaley Rang wala hoga) ,..”

Aap (Sallallahu Alaihay Wasallam) ne farmaya: “Ho sakta hai ke Usko (Tumhare Bacche me bhi) Kisi Rang ne Ghaseet liya ho.(Yaani Tumhara inkaar karna durust nahi),..”
– (Sahih Muslim 1500 , In-book refe:Book 19, Hadith no. 26)

# Sabaq: Yaani ke Kisi Bacche ka Rang Apne Walidain Se Milta Julta Na ho Tou Isme Hairanghi Ki baat Nahi, mumkin Hai ke Uska Rang apne Nanhiyal ya dadhiyal me se kisi par gaya ho ,.. Tou Nanhiyal aur Dadhiyal ka Asar Mumkin Hai Bacche Par Lihaja Aisi Choti Choti Baato Ki Buniyad Par Biwi Ke Kiradar par Shaq Karna Durust Nahi ,..